Հարավային Կորեայի պաշտպանության նախարարությունը հերքել է  հինգ ծառայակցի սպանած հարավկորեացի զինվորականին ձերբակալելու մասին լուրը, փոխանցում է gazeta.ru-ն` վկայակոչելով  Agence France-Presse-ը:

«Նրան դեռ չեն բռնել», — հայտարարել է նախարարության ներկայացուցիչը:

Նախարարությունում այդպես են մեկնաբանել մի շարք լրատվամիջոցներում հայտնված լուրը, ըստ որի՝ հարավկորեացի զինվորականներին հաջողվել է բռնել փախած զինվորին:

Ավելի վաղ հայտնի էր դարձել, որ Հարավային Կորեայի հետեւակային զորքերի 22-րդ զորամասի սերժանտը կրակ էր բացել Քանվոնդո նահանգում գտնվող անցակետում  (ԿԺԴՀ-ի սահմանին): Միջադեպի հետեւանքով զոհվել էր հինգ զինվորական,  եւս յոթը` տուժել: չարագործը փախել էր դեպքի վայրից: Ըստ նախնական տվյալի` սահմանապահը ունի հրացան եւ զինամթերք:

Ընթանում է փոխհրաձգություն հարավկորեական զինվորականների եւ մարդասպան սերժանտի միջեւ