Անհրաժեշտ է ավելի մեծ ջանքեր գործադրել ղարաբաղյան հակամարտության կարգավորման համար, ԵԽԽՎ ամառային նստաշրջանի ընթացքում հայտարարել է ԵԽԽՎ նախագահ Անն Բրասերը:

Ադրբեջանի նախագահ Իլհամ Ալիեւի ելույթի  նախօրեին ԵԽԽՎ նախագահը նշել է, որ Վեհաժողովը  պատրաստ է աջակցություն ցուցաբերել բանակցային գործընթացին՝ ԵԱՀԿ ՄԽ շրջանակում:

 «Մենք պատրաստ ենք շարունակել աշխատանքը Հայաստանի եւ Ադրբեջանի պատվիրակությունների ներկայացուցիչների հետ, որպեսզի ստեղծվի երկխոսության եւ վստահության մթնոլորտ»,- հայտարարել է Անն Բրասերը:

Միաժամանակ ԵԽԽՎ նախագահը կրկին ընդգծել է, որ Վեհաժողովը հարգում է անդամ երկրների ինքնիշխանությունն ու տարածքային ամբողջականությունը: