Լրագրողներ Սարգիս Գեւորգյանի եւ Անի Գեւորգյանի հաղորդումների հիման վրա ՀՀ հատուկ քննչական ծառայությունում նախապատրաստված նյութերով` ՀՀ քրեական օրենսգրքի 309-րդ հոդվածի 2-րդ մասի եւ 164-րդ հոդվածի 3-րդ մասի հատկանիշներով հարուցվել է քրեական գործ:

Այս առնչությամբ, ՀՔԾ մամուլի ծառայության տարածած հաղորդագրության մեջ, մասնավորապես, նշվում է.

«Քաղաքացիներ Սարգիս Գ.-ն եւ Անի Գ.-ն հաղորդումներ են տվել այն մասին, որ 2014-ի հունիսի 23-ին` տեղեկանալով Երեւանի Սարյան փողոցի թիվ 22-րդ հասցեում իրականացված բողոքի ակցիայի մասնակիցներին ոստիկանության բաժին բերման ենթարկելու մասին, իրենք ժամը 15-ի սահմաններում ժամանել են Երեւանի Վրացյան 90 հասցեում տեղակայված ոստիկանության Կենտրոնականի բաժնի բակ, որտեղ ոստիկանության մի խումբ աշխատակիցների կողմից կիրառված բռնության արդյունքում ստացել են մարմնական վնասվածքներ:

Անի Գ.-ն միաժամանակ հայտնել է, որ նշված գործողություններով ոստիկանները խոչընդոտել են իր` որպես լրագրողի մասնագիտական գործունեությանը:

Կատարվում է նախաքննություն»:

Լուսանկարը՝  Արսեն  Սարգսյանի/NEWS.am