Հանրակրթական ուսումնական հաստատության ղեկավարման իրավունք /հավաստագիր/ ստանալու համար դիմող անձանց վերապատրաստումն իրականացնելու նպատակով ՀՀ Կրթության եւ գիտության նախարարությունը հայտարարում է   վերապատրաստող կազմակերպությունների ընտրության մրցույթ:

Մրցույթն անցկացվում է կրթության եւ գիտության նախարարի` 18.05.2010թ. N 393-Ն հրամանով հաստատված «Հանրակրթական ուսումնական հաստատության ղեկավարման իրավունք /հավաստագիր/ ստանալու նպատակով վերապատրաստման եւ  վերապատրաստող կազմակերպության ընտրության կարգի» 7-րդ եւ 8-րդ կետերի պահանջներին  համապատասխան:

Վերապատրաստող կազմակերպության ընտրությանը կարող են մասնակցել  այն կազմակերպությունները, որոնք ունեն`

1.համապատասխան ուսումնական տարածք,

2.որակյալ մասնագետներ` վերապատրաստողներ (դասախոսներ, ուսուցիչներ, մեթոդիստներ),

3.մշակված 90-110 ժամյա վերապատրաստման սեփական ծրագիր (տեւողությունը 15-20 օր), որը պետք է ներառի վերապատրաստման բովանդակության պարտադիր` իրավական, կառավարչական, մանկավարժական, հոգեբանական գիտելիքների, ինչպես նաեւ` ուսուցման մեթոդաբանության եւ գործնական կարողությունների ձեւավորմանն ու ամրապնդմանն ուղղված բաղադրիչները,

4.վերապատրաստման ծրագրին եւ ՀՀ ԿԳ նախարարի` 2011 թվականի  սեպտեմբերի 20-ի թիվ 1057 Ա/Ք հրամանով հաստատված հարցաշարին, ինչպես նաեւ հանրակրթական ուսումնական հաստատության տնօրենի պաշտոնի նկարագրին համապատասխան կազմված տեսական եւ գործնական պարապմունքների թեմատիկ պլան,

5.վերապատրաստման ծրագրի իրականացման համար անհրաժեշտ նյութատեխնիկական բազա, ուսումնամեթոդական գրականություն, ձեռնարկներ:

Կազմակերպությունը դիմումին կից պետք է ներկայացնի հետեւյալ փաստաթղթերը.

•պետական գրանցման վկայականի եւ կանոնադրության պատճենները,

•սույն հայտարարության 3-րդ եւ 4-րդ կետերում նշված ծրագիրն ու թեմատիկ պլանը,

•տեղեկանք կազմակերպության գործունեության ժամանակահատվածի մասին եւ այդ ընթացքում իրականացրած համապատասխան բնույթի աշխատանքների նկարագրությունը,

•հիմնական աշխատակազմի անձնական թերթիկները (CV), որոնք պետք է պարունակեն աշխատակցի վերաբերյալ հետեւյալ տեղեկությունները` անունը, ազգանունը, ծննդյան թիվը, կրթությունը, մասնագիտությունը, մանրամասն աշխատանքային փորձը,

•վերջին 1 տարվա ընթացքում կատարած հիմնական աշխատանքների ցանկը` նշելով պատվիրատուին, պայմանագրային գումարները, դրանց կատարման վայրը եւ ժամկետները,

•տեղեկանք ֆինանսական կարողությունների եւ վերջին 1 տարվա միջին տարեկան շրջանառության մասին,

•2013 թվականի ֆինանսական հաշվետվությունները՝ հաստատված ՀՀ հարկային տեսչության կողմից:

6.Մրցույթին մասնակցել ցանկացող կազմակերպությունները  կարող են  մինչեւ  2014թ. օգոստոսի 11-ը, ժամը 18.00-ը ներառյալ դիմել Հայաստանի Հանրապետության կրթության եւ գիտության նախարարություն` նախօրոք լրացնելով եւ դիմումին կցելով edu.am եւ ktak.am կայքերում տեղադրված վերապատրաստման պայմանների ու չափանիշների վերաբերյալ մանրամասն նկարագրեր պարունակող  ձեւաթղթերը: