Ավստրալիայի Քվինսլենդ նահանգի ընտանիքներից մեկը 2014թ. Malaysia Airlines-ի երկու Boeing 777 օդանավերի աղետի ենթարկվելու հետեւանքով էլ հարազատներ է կորցրել, հայտնում է gazeta.ru-ն՝ վկայակոչելով Sydney Morning Herald-ը:

Ուկրաինայում  Boeing 777 –ի վթարի  հետեւանքով Իրեն եւ Ջորջ Բերոուզը կորցրել են թոռնիկ Մարի Ռիզկին եւ նրա ամուսին Ալբերտին, որոնք վերադառնում էին Եվրոպայում մեկամսյա արձակուրդից:  2014թ. մարտին էլ, երբ օդանավն անհետ կորել էր Հնդկական օվկիանոսում, զոհվել էր նրանց որդին՝ Ռոդնին եւ նրա կինը՝ Մերին:

Հիշեցնենք, հուլիսի 17-ին  Boeing 777 օդանավի ավիավթարի հետեւանքով 298  մարդ է զոհվել: