Հայաստանն արտահերթ նախագահական ընտրությունների կարիք ունի: Այս մասին հուլիսի 18-ին կայացած մամուլի ասուլիսում հայտարարեց «Ժառանգություն» կուսակցության փոխնախագահ Արմեն Մարտիրոսյանը:

Նրա խոսքով, ներկա իշխանությունն ի վիճակի չէ պաշտպանել հանրապետության շահերը: Այդ առնչությամբ քաղաքական գործիքը հիշեցրեց, որ եթե մինչեւ սեպտեմբեր գործող իշխանությունը չկատարի քառյակի ներկայացրած 12 պահանջները, աշնանը երկրում «նոր իրավիճակ» կստեղծվի:

Պատասխանելով հարցին, թե խորհրդարանական քառյակն արդյո՞ք հեղաշրջում է իրականացնելու, Մարտիրոսյանն ասաց. «Սեպտեմբերին մենք ժողովրդին կհարցնենք, թե ինչ է ուզում: Եվ ես վստահ եմ, որ քաղաքացիները հանդես կգան իշխանության լիարժեք փոփոխության օգտին»:

Անդրադառնալով հարցին, արդյո՞ք «քառյակը» կարող է ընդլայնվել, եթե «Օրինաց երկիր» կուսակցությունը ցանկություն հայտնի ընդգծվել դրա կազմում, Մարտիրոսյանը պատասխանեց, որ ոչ իշխանական քաղաքական ցանկացած ուժի հետ համագործակցությունը չի բացառվում: