նախընտրելի դարձնել
ԱՄՆ Վաշինգտոն նահանգի իշխանությունները փնտրում են բարեգործական խանութին մարդկային երեք գանգ նվիրաբերած անձին, փոխանցում է Reuters-ը:
Չնայած նրան դեռ չեն գտել, տեղեկություն տրամադրելու մասին իշխանությունների խնդրանքը դարձել է մարդկային նոր մնացորդներ հանձնելու պատճառ:
Ըստ Սիեթլ քաղաքի եւ Քինգ շրջանի դատաբժշկական փորձագետի՝ իրենք հույս են ունեցել զրուցել բարեգործական խանութին գանգերը թողած մարդու հետ, որպեսզի իմանան մնացորդների ծագման մասին: Գանգերից մեկը 100 տարվա է, եւ այն, ամենայն հավանականությամբ, պատկանել է հնդկացի երեխայի: Մյուս երկու գանգերը պատկանել են տարեցների: Ըստ Վաշինգտոն նահանգի օրենքի՝ հնդկացիների գանգերը պետք է հանձնվեն նրանց ցեղին՝ հուղարկավորության համար:
Չնայած դեռ չի հաջողվել տեղեկություն ստանալ գանգերի աղբյուրի մասին, հանրային իրազեկման արդյունքում զանգահարել է երեք մարդ եւ ցանկություն հայտնել հանձնել իրենց մոտ եղած մարդկային գանգերը: Գանգերից երկուսը պատկանում են Ամերիկայի բնիկ ժողովուրդների ներկայացուցիչներին, երրորդը հիվանդանոցային նմուշ է:
