նախընտրելի դարձնել
ԵՄ արտգործնախարարները օգոստոսի 15-ին Բրյուսելում կքննարկեն Իրաքի ճգնաժամը:
«Ռեյթեր» գործակալությանը ԵՄ-ի բարձրաստիճան պաշտոնյան հայտնել է, որ օրակարգում է տարածաշրջանային աջակցող խմբի ստեղծման ծրագիրը, որը կներառի Սաուդյան Արաբիան եւ Իրանը:
Անանունության պայմանով նա ընդգծել է, որ այժմ առավել կարեւոր է իսլամական ծայրահեղականների առաջխաղացումը դիտել որպես «Իսլամական պետության» ջիհադիստների եւ տարածաշրջանի այլ պետությունների միջեւ դիմակայություն, այլ ոչ թե իսլամիստների եւ Արեւմուտքի միջեւ, փոխանցում է BBC-ի ռուսական ծառայությունը:
Ավելի վաղ Մեծ Բրիտանիան հայտարարել էր, որ եթե իրենց դիմեն, իրենք կքննարկեն Իրաքի հյուսիսի քրդերին ռազմական օգնություն ցույց տալու հարցը: Նրանց արդեն օգնում են ԱՄՆ-ն եւ Ֆրանսիան:
