նախընտրելի դարձնել
Բրիտանական Փրեսթոնից Ջոն եւ Քորին Քլարքսոն ամուսնական զույգը ալկոհոլ օգտագործելու նոր միջոց է գտել:
Նրանք այն տապակում են եւ տաք-տաք վայելում: Իրենց բլոգում նրանք պատմում են տապակած խմիչքներ պատրաստելու տեխնոլոգիայի մասին:
Պետք է թաթախել թխվածքի կտորները վիսկիում կամ լիկյորում, արագ տապակել տաք ձեթի մեջ: Ամուսիններն այդպիսի փքաբլիթներ են վաճառում քաղաքի տոների եւ տոնավաճառների ժամանակ` 3 ֆունտով: Ամենաշատը պահանջված են կաթնային եւ մրգային լիկյորներով փքաբլիթները, հայտնում է Kedem-ը:
Հավելենք, որ «Mister Eater's Eating Emporium» խորտկարանում աշխատող այս նույն զույգն ավելի վաղ ստեղծել էր աշխարհի ամենաբարձր համբուրգերը: Այն 160 սմ էր, կշռում էր 8,5 կգ եւ 30000 կալորիա ուներ:
Համբուրգերը պատրաստելու համար պահանջվել էր կես ժամ: Այն բաղկացած էր 330 գրամանոց 10 չիզբուրգերներից եւ 5 կգ տավարի մսով կոտլետներից, որոնց ներսում տեղադրվել էր Պեպերոնի պիցցա, խոզի մսով բլիթ եւ նույնիսկ սպագետի Բոլոնիեզե: Համբուրգերի հացը պատվերով թխվել էր տեղի փռում:
