նախընտրելի դարձնել
ԱՄՆ-ի Կոնգրեսի Ներկայացուցիչների պալատի անդամ Ջիմ Կոստան դատապարտել է Դեր Զորում հայկական եկեղեցու ավերումը:
«Ես խստորեն դատապարտում եմ Սիրիայում «Իսլամական պետության» գրոհայինների կողմից Հայոց ցեղասպանության հուշակոթողի ավերումը»,- գրել է նա Twitter-ի իր միկրոբլոգում:
Հիշեցնենք, ավելի վաղ արտգործնախարար Էդվարդ Նալբանդյանը խստորեն դատապարտել էր սեպտեմբերի 21-ին Դեր Զորի «Սրբոց Նահատակաց» հայկական եկեղեցու ավերումը: Էդվարդ Նալբանդյանը նաեւ միջազգային հանրությանը կոչ էր արել անմիջապես դադարեցնել եւ արմատախիլ անել քաղաքակիրթ մարդկությանը սպառնացող այդ ժանտախտ՝ կտրելով դրա սնուցման, ֆինանսավորման, աջակցության, հովանավորման ուղիները:
