նախընտրելի դարձնել
Սեպտեմբերի 20-ին, ժամը 23.20-ին, ոստիկանության Դիլիջանի բաժնում ավազակային հարձակման վերաբերյալ ահազանգ էր ստացվել:
Ոստիկանության լրատվության վարչությունից հայտնում են, թե մեկնած օպերատիվ խումբը պարզել էր, որ նույն օրը, ժամը 21.00-ի սահմաններում, անհայտ անձը դիմակավորված մուտք է գործել 1940 թ. ծնված Սվետլանա Պ.-ի տուն, դանակի սպառնալիքով պահանջել գումար ու ոսկեղեն, ձեռքերով հարվածել նրա դեմքին` պատճառելով վնասվածք, այնուհետեւ տանտիրուհու ձեռքից հանել է մատանին, հյուրասենյակի զգեստապահարանում կախված բաճկոնի գրպանից հափշտակել 70.000 դրամ, իսկ զարդատուփից` արծաթյա 2 մատանի եւ տարբեր տեսակի զարդեր` պատճառելով շուրջ 150.000 դրամի նյութական վնաս:
Սեպտեմբերի 21-ին, ժամը 11.30-ին, ոստիկանության Տավուշի մարզային վարչության եւ Դիլիջանի բաժնի ծառայողների ձեռնարկած օպերատիվ-հետախուզական միջոցառումների եւ քննչական գործողությունների շնորհիվ պարզվել է, որ հանցագործությունը կատարել են 1972 թ. ծնված Գեորգի Դ.-ն եւ 1988 թ. ծնված Գոռ Պ.-ն:
Գեորգի Դ.-ն եւ Գոռ Պ.-ն ձերբակալված են:
Հափշտակվածը մասամբ առգրավված է:
Կատարվում է նախաքննություն:
