Սեպտեմբերի 12-ին, ժամը 18.50-ին, ոստիկանության Շենգավիթի բաժնում հաղորդում էր ստացվել, որ տեխնիկական միջոցների գործադրմամբ ճաղավանդակը պոկելով՝ Նոր Խարբերդի մի ամառանոցի 2-րդ հարկի պատշգամբից գողացել են զոդման սարքը եւ օդորակիչը, այնուհետեւ կոտրելով պատշգամբից սենյակ տանող դուռը՝ մտել են ներս, սակայն ոչինչ չգողանալով՝ հեռացել են` պատճառելով 100.000 դրամի նյութական վնաս:

Ոստիկանության ծառայողների ձեռնարկած միջոցառումների շնորհիվ պարզվել է, որ գողությունը կատարել է 1991 թ. ծնված Ռոբերտ Հ.-ն, որը սեպտեմբերի 22-ին, ժամը 18.30-ին, Նոր Խարբերդից բերման է ենթարկվել եւ տվել խոստովանական բացատրություն: Նա խոստովանել է նաեւ, որ Նոր Խարբերդից կատարել է մի շարք բնակարանային գողություններ եւս:

Ձեռնարկվում են միջոցառումներ տուժած տանտերերին հայտնաբերելու ուղղությամբ:

Կատարվում է նախաքննություն: