նախընտրելի դարձնելԳորիսեցիներին ցնցել է Սուրիկ Խաչատրյանի (Լիսկայի) վերանշանակումը Սյունիքի մարզպետի պաշտոնում։ Կառավարության որոշումից հետո NEWS.am-ը հարցում անցկացրեց գորիսեցիների շրջանում, արձագանքը բավական հակասական էր։
«Սա ապտակ էր բոլորիս իշխանությունների կողմից, արհամարանք ու անտարբերություն, հանցագործի համար նոր ճանապարհներ բացելով՝ նշանակում է թքած ունենալ հասարակության վրա, էս ա մեր երկիրը, ու մենք ստեղ շարունակում ենք ապրել, ի՞նչ կա մեր ձեռը»,- ասաց գորիսեցի մի երիտասարդ, որը չցանկացավ իր անունը հրապարակել:
Ընդհանուր առմամբ, գորիսեցիների շրջանում գերիշխում էր բացասական վերաբերմունքը, ակնհայտ էր նաեւ վախի մթնոլորտը, քանի որ ոչ ոք չցանկացավ տեսախցիկի առջեւ խոսել կամ ներկայանալ։
«Ի՞նչ է արել Սուրիկ Խաչատրյանը, ո՞ւմ է հաշվի առել, ինչ ուզեցել, էնպես էլ արել է, հիմա գալիս է՝ ինչ անի, ջահելների գլո՞ւխը ուտի, էտ ա դրա արածը»,- ասաց մի գորիսեցի։
Փոքրաթիվ դրական կարծիքներ նույնպես հնչեցին։
«Մեր Գորիսեցին է, լավ է, թո գա, էլի, մի բան կանի էս քաղաքի համար, միշտ էլ ինքն է եղել»,-ասաց 75-ամյա Սլավիկ Մինասյանը։
