նախընտրելի դարձնել«Բիբլիո գլոբուսը» Tez Tour ընկերությունը գնելու բանակցություններ է վարում: Գործարքը հնարավորություն կտա ռուսական շուկայում խոշոր տուրօպերատոր ստեղծել` 90 միլիարդ ռուբլի ընդհանուր շահույթով, հայտնում է Kommersant.ru-ն:
Ըստ աղբյուրի` «Բիբլիո գլոբուսի» ղեկավարությունը դիտարկում է Tez Tour-ի գնման հնարավորությունը, սակայն բանակցությունները դեռ երկար կշարունակվեն՝ Tez Tour-ի սեփականատերերի պահանջած բարձր գնի պատճառով: Tez Tour-ի գլխավոր տնօրեն Վլադիմիր Կագաները հերքել է գործարք կնքելու հնարավորությունը:
Tez Tour-ը հիմնադրվել է 1994 թ. Ալեքսանդր Սինիգիբսկու, Ալեքսանդր Բուրտինի եւ թուրք գործարար Լեւենտ Այդինի կողմից: 2012 թ. ամռանը Այդինը հեռացել էր տուրօպերատորի կառավարումից ` իր տեղը զիջելով ռուսաստանցի գործընկերներին: Tez Tour-ի հիմնական ուղղություններն են` Թուրքիա, Եգիպտոս, Թայլանդ, Կուբա, Դոմինիկյան Հանրապետություն, Իսպանիա եւ Ավստրիա: Ըստ Forbes-ի`2013 թ. տուրօպերատորի շահույթը կազել էր 30 միլիարդ ռուբլի:
«Բիբլիո Գլոբուսը» 1994 թ. հիմնադրել է Ալեքսնադր Տուգոլուկովը` նույնանուն առեւտրի տան սեփականատեր Բորիս Եսենկինի փեսան: 2013 թ. ընկերության եկամուտը կազմել էր 62 միլիարդ ռուբլի:
