Twitter-ի նորությունների ծառայության առաջին ղեկավար Վիվիան Շիլլերը հոկտեմբերի 9-ին հայտարարել է  հրաժարականի մասին՝ ընկերությունում մեկ տարի աշխատելուց հետո, գրում է  Gazeta.ru-ն՝ վկայակոչելով Շիլլերին, որն այդ մասին հայտարարել է Twitter-ի իր էջում:

Ըստ աղբյուրի՝ Շիլլերը գրել է, որ իր հեռանալը ընկերության փոխնախագահ Քեթի Սթենթոնի կատարած վերակազմավորման հետեւանք է:

Twitter-ում Շիլլերն աշխատում էր սոցիալական ցանցերի եւ լրատվական գործակալությունների միջեւ գործընկերային հարաբերություններ  կառուցելու ուղղությամբ: Twitter-ի մամուլի քարտուղարը հայտնել է, որ Վիվիան Շիլլերին կփոխարինի Ադամ Շարփը, որը համակարգելու է ոչ միայն լրատվական ծառայությունների, այլեւ պետական կառույցների հետ գործընկերությունը: