նախընտրելի դարձնելԱլյասկա նահանգի մայրաքաղաքի՝ Ջունո քաղաքի ոստիկանությունը շփոթել է Ջասթին Փրիսթ անվամբ երկու տղամարդու եւ սխալ ընտանիքի է տեղեկացրել իրենց անդամի՝ ավտոպատահարի հետեւանքով զոհվելու մասին:
Փալմեր քաղաքում բնակվող Ջեյ եւ Քարեն Փրիսթը ստացել են իրենց 29-ամյա որդու մահվան մասին լուրը:
Վշտահար ընտանիքը մեկնել է նահանգի խոշորագույն Անքորիջ քաղաք, որպեսզի մյուս որդուն տեղեկացնի իբր կատարվածի մասին:
Այնուհետեւ ընտանիքը դուրս է եկել Ջունո՝ ենթադրյալ հանգուցյալի ընկերուհու մոտ, որտեղ էլ նրանք գտել են «հանգուցյալին» միանգամայն առողջ վիճակում, հաղորդում է BBC-ի ռուսական ծառայությունը:
Ջասթին Փրիսթը պակաս զարմացած չէր, երբ տեսել էր ծնողների շոկն ու արցունքները:
Ջունոյի ոստիկանական վարչությունը հայցել է ընտանիքի ներողամտությունը՝ նշելով, որ իրականում զոհվել է «ենթադրյալ հանգուցյալի» անվանակիցը, սակայն իրավապահները շփոթել են երկու տղամարդկանց ծննդյան ամսաթվերը:
