նախընտրելի դարձնելԿատալոնիայում նոյեմբերի 9-ին անցկացված հարցման մասնակիցների շուրջ 80%-ը գերադասել են Իսպանիայից անկախանալը, փոխանցում է «Կոմսոմոլսկայա պրավդան»: Նման տվյալներ են հրապարակվելհարցաթեթիկների 88,44%-ի հաշվարկից հետո:
Աղբյուրը նշում է, որ հարցմանը մասնակցել է 2,25 մլն կատալոնացի, որոնցից 5,4 մլն-ն ունի ձայնի իրավունք: Կատալոնացիները պատասխանել են երկու հարցի՝ «Ցանկանո՞ւմ եք, որպեսզի Կատալոնիան պետություն դառնա», եւ «Եթե այո, ցանկանո՞ւմ եք, որպեսզի Կատալոնիան անկախ պետություն դառնա»:
Երկու հարցին դրական է պատասխանել քվեարկության մասնակիցների 80,72%-ը: 10,11%-ը դրական է պատասխանել առաջին հարցին եւ բացասական՝ երկրորդին: «Ոչ» երկու հարցին էլ պատասխանել է 4,55%-ը:
Կատալոնիայի ղեկավար Արթուր Մասը տեղի անկախության վերաբերյալ հարցումն անվանել է լիակատար հաջողություն եւ ժողովրդավարության դաս: «Մենք հսկայական առաջընթաց քայլ ենք կատարել որպես երկիր, եւ ցույց տվել, որ ցանկանում ենք որոշել մեր ապագան: Մենք երբեւէ կկարողանանք վերջնական որոշել մեր ապագան՝ ընտրատեղամասերում», - ասել է նա:
Հիշեցնենք, որ նոյեմբերի 6-ին Իսպանիայի Գերագույն դատարանը Կատալոնիային արգելել էր նոյեմբերի 9-ին բնակչության շրջանում ինքնորոշման մասին հանրաքվե անցկացնել պետմարմինների մասնակցությամբ:
