նախընտրելի դարձնել
Քիմ Քարդաշյանը լուսանկարվել է թուրք հայտնի լուսանկարիչ Մերթ Ալաշի հետ, սակայն Twitter-ում սխալ նշում է արել՝ Ադանայում ապրող 17-ամյա տղային հայտնի դարձնելով։
Թուրքական Canlihaber կայքի փոխանցմամբ՝ Քիմ Քարդաշյանի պատահական սխալը Թուրքիայի Ադանա քաղաքում ապրող 17-ամյա Մերթ Ալասին Թուրքիայում հայտնի «աստղ» է դարձրել։ Գրեթե բոլոր թուրքական թերթերը եւ պարբերականները գրել են «դեպքի» մասին։
Քիմ Քարդաշյանը լուսանկարվել է հայտնի լուսանկարիչ Մերթ Ալաշի հետ եւ նկարը Twitter-ում գցելու ժամանակ սխալ է նշել լուսանկարչի անունը՝ փոխարենը նշելով Ադանայի բնակիչ Մերթ Ալասի անունը։
Ադանացի երիտասարդը նշել է, թե շատ երջանիկ է, որ Քիմ Քարդաշյանն իրեն հայտնի է դարձրել՝ շեշտելով, թե իրեն լուսանկարում նշելուց հետո ինքը պատասխանել է Քիմին՝ «Քեզ սիրում եմ» գրությամբ, որին սակայն Քիմ Քարդաշյանը չի պատասխանել։
