Ադրբեջանցի պատգամավորը որոշել է օրիգինալ գտնվել եւ շրջանցելով երկրի իշխանություններին՝ հանդես գալ նոր նախաձեռնությամբ։

ԵԱՀԿ Խորհրդարանական վեհաժողովի ադրբեջանական պատվիրակության անդամ Ազայ Գուլիեւը առաջարկել է  փոխարինել ղարաբաղյան հակամարտության կարգավորմամբ զբաղվող ԵԱՀԿ Մինսկի խմբի համանախագահներիին։ Այս մասին գրում է Report-ը։

Ըստ աղբյուրի տեղեկությունների՝ ադրբեջանցի խորհրդարանականը, ելույթ ունենալով Վիեննայում ԵԱՀԿ Խորհրդարանական վեհաժողովում, նշել է, որ Մինսկի խմբի համանախագահների կազմի փոփոխությունը կարող է հակամարտության լուծման համար թարմ գաղափարներ ծնել։ Նա առաջարկել է համանախագահող երկրների կազմում ընդգրկել Գերմանիային եւ Թուրքիային։  

Թե երեք համանախագահներից ում է ցանկանում Գուլիեւը փոխարինել, պարզ չէ։