Փետրվարի 17-ին, ժամը 22.00-ին, ոստիկանության Կենտրոնականի բաժնում հաղորդում էր ստացվել, որ Կորյունի փողոցի թիվ 19/Ա հասցեում գտնվող մի հիմնարկությունից գողություն է կատարվել (գազօջախ, միկրոալիքային վառարան, տոստեր ապարատ, սառնարան, լուսային սարքավորում եւ գարեջրի 2 սարքավորում` գազային ապարատով):

Ոստիկանության մամուլի ծառայությունից հայտնում են, որ մեկնած օպերատիվ խմբին տնօրենը հայտնել էր, որ գողությունը կատարելու մեջ կասկածում է հիմնարկության նախկին աշխատակից Հայկազ Հ.-ին:

Ոստիկանության ծառայողների ձեռնարկած միջոցառումների շնորհիվ պարզվել է, որ գողությունը, իրոք, կատարել է 1989 թ. ծնված Հայկազ Հ.-ն:

Բացատրական աշխատանքների շնորհիվ՝ վերջինս ներկայացել է բաժին եւ տվել խոստովանական բացատրություն:

Կատարվում է քննություն: