Մալայզիայում ձերբակալված ընդդիմադիր քաղաքական գործիչ Անվար Իբրահիմի դուստրը ձերբակալվել է ըմբոստություն հրահրելու մեղադրանքով։

Նուրուլ Իզզա Անվարի հանդեպ հետաքննություն էր տարվում այն բանից  հետո, երբ խորհրդարանում ելույթ ունենալիս քննադատել երկրի դատական համակարգը, տեղեկացնում է BBC-ի Ռուսական ծառայությունը։

Նրա հայրը՝ Անվար Իբրահիմը, որը ժամանակին զբաղեցնում էր երկրի փոխվարչապետի պաշտոնը, դատապարտվել էր 5 տարվա ազատազրկման, իր օգնականի հանդեպ սեռական ոտնձգություններ կատարելու մեղադրանքով։

Նուրուլ Իզզա Անվարը Մալայզիայի ազգային արդարություն կուսակցության փոխնախագահն է։