նախընտրելի դարձնել
Նախորդ երկու շաբաթների ընթացքում հայտնաբերվել է չնախատեսված վայրերում աղբը թափելու 143 դեպք: Այս մասին նշվել է Երեւանի քաղաքապետարանում այսօր՝ հոկտեմբերի 19-ին հայացած խորհրդակցության ժամանակ:
Բացօթյա ապօրինի առեւտրի կանխարգելման ուղղությամբ իրականացված հսկողության արդյունքում էլ հայտնաբերվել եւ վարչական արձանագրություններ են կազմվել 14 դեպքի մասով:
Քաղաքապետ Տարոն Մարգարյանը վարչական շրջանների ղեկավարներին ու համապատասխան ծառայություններին հանձնարարել է ակտիվացնել այս ուղղությամբ տարվող աշխատանքները եւ գործընթացը պահել մշտական ուշադրության կենտրոնում:
Հասարակական տրանսպորտի սպասարկման որակի նկատմամբ իրականացվող ամենօրյա հսկողության հետ կապված զեկուցվել է, որ ստուգայցերի ժամանակ հայտնաբերված խախտումների մասով կազմվել է 42 վարչական արձանագրություն:
Քաղաքաշինության ոլորտում նախորդ երկու շաբաթվա ընթացքում իրականացված հսկողության արդյունքում արձանագրվել է ապօրինի շինարարության եւ հողազավթման 9 դեպք: Քանդման աշխատանքներ են իրականացվել 4 հասցեներում:
