Հայաստանի փաստաբանների պալատի  նախագահի 19.10.2015թ. թիվ 195-Ա հրամանով աշխատանքային կարգապահական վարույթ է հարուցվել ՀՀ փաստաբանների պալատի մամուլի խոսնակ Հայկ Հակոբյանի նկատմամբ:

ՀՀ փաստաբանների պալատի աշխատակազմից հայտնում են, թե վարույթը հարուցվել է xnews.am լրատվական կայքում 06.07.2015թ. «Փաստաբաններն իրարից հաղթանակնե՞ր են «գողանում»» վերտառությամբ եւ 30.07.2015թ. «Ո՞րն է այն շարժառիթը, որ ստիպում է նախկին ամբաստանյալին պատժել իրեն պաշտպանած հանրային պաշտպանին» վերտառությամբ հոդվածների հրապարակմանը նրա առնչության վարքագիծը ստուգելու նպատակով։

Աշխատանքային կարգապահական վարույթն իրականացնելու եւ կարգապահական տույժ նշանակելու հարցը լուծելու է ՀՀ փաստաբանների պալատի աշխատակազմի ղեկավարը։