ԱՄՆ-ում Քարդաշյան ընտանիքի հռչակը, ինչպես նաեւ հայերի մասին տեղեկությունների ավելացումը գործարարներին հնարավորություն է տալիս հայկական զարդանախշերով  արտադրանքն առաջ մղել  շուկայում: 

Այսպես, դիզայներ-ոսկերիչ Վաննա Քիթսինյանի Vanna K ապրանքանիշը զարդերի նոր հավաքածու է թողարկել, որտեղ օգտագործված են հայերենի այբուբենի տառերը: Հավաքածուն նվիրված է Հայոց ցեղասպանության հարյուրամյակին, տեղեկացնում է jckonline.com-ը:

«Հայերենը գեղեցիկ է լեզվական, գեղագիտական եւ տեսողական առումով եւ անգնահատելի է մշակութային առումով:  Ինձ համար կարեւոր էր մեր այբուբենը ներկայացնող  զարդեր ստեղծել, որովհետեւ լեզվական ժառանգությունը եղել եւ մնում է մեր ինքնության պահպանման համար մղվող պայքարի կարեւոր մասը»,- ասում է Վաննան:

Հայերենի տառերից յուրաքանչյուրը հավաքածուում ներկայացված է դեղին, սպիտակ եւ վարդագույն ոսկով:

 

Լուսանկարները՝ jckonline.com-ի