նախընտրելի դարձնել
Հարավային Սուդանում «Ան-12» բեռնատար օդանավի աղետի պատճառը կարող է տեխնիկական խնդիրը կամ գերբեռնվածությունը լինել, հաղորդում է South Sudan Tribune-ը:
Այս տեղեկատվությունը փոխանցել են Հարավային Սուդանի քաղաքացիական ավիացիայի վարչության փորձագետները:
Նշվում է, որ այս պահին փորձագետներն աշխատում են աղետի վայրում: Ավելի վաղ նշվել էր, որ Հարավային Սուդանում կործանված օդանավը չկա «Ռոսավիացիայի» ցուցակներում:
Վերջին տվյալներով, օդանավում եղել է 20-40 մարդ, որոնցից 5-ը՝ ռուսատանցիներ: Նրանք օդանավի անձնակազմի անդամներն են եղել:
Բեռնատար օդանավը աղետի է ենթարկվել Ջուբայի օդանավակայանից 800 մետր հեռավորության վրա, հաղորդում է Gazeta-ն:
