նախընտրելի դարձնելԹողարկվել է Լյուիս Քերոլի հեքիաթի մոտիվներով ստեղծված «Ալիսան հայելիների աշխարհում»-ի գովազդային հոլովակը: Տեսանյութը կարելի է դիտել Disney-ի թվիթերում:
Ինչպես արդեն հաղորդվել է, 2010-ի «Ալիսան հրաշքների աշխարհում»-ի սիքվելում Ջոնի Դեփը կվերադառնա Խելագար Գլխարկագործի դերին, իսկ Միա Վասիկովսկին կխաղա Ալիսայի դերը: Ֆիլմում դարձյալ կհայտնվեն Հելենա Բոնեմ Քարթերը եւ Էնն Հեթըուեյը: Թիմ Բերթոնը ռեժիսորական աթոռը զիջել է Ջեյմս Բոինին եւ հանդես է գալիս պրոդյուսերի դերում, տեղեկացնում է Gazeta-ն:
Նոր ֆիլմը 2016-ի հունվարին մահացած բրիտանացի դերասան Ալան Ռիքմանի վերջին աշխատանքներից մեկն է: Այդ ժապավենում նա հնչեցրել է Կապույտ Թրթուրին:
«Դու շատ երկար չկայիր, Ալիսա: Բաներ կան, որոնք չի կարելի անտեսել: Շտապիր», - տեսահոլովակում ասում է Ռիքմանի կերպարը:
Բացի այդ, տեսահոլովակում հնարավոր է տեսնել կատակերգակ Սաշա բարոն Կոհենին Ժամանակի դերում:
