նախընտրելի դարձնել
Լրագրողներին հետապնդելու Թուրքիայի իշխանությունների քաղաքականությունը չափազանց վտանգավոր է եւ լուրջ մտահոգության տեղի է տալիս։ Դրա արձագանքները լսվում են ողջ աշխարհում։ Այս մասին ասել է «Լրագրողներ առանց սահմանների» միջազգային իրավապաշտպան կազմակերպության ամերիկյան բաժանմունքի տնօրեն Դելֆին Հելգանդը։
«Իրավիճակն անխոս շատ վտանգավոր է եւ մտահոգիչ։ Դրա բացասական հետեւանքները զգացվում են ողջ աշխարհում, քանի որ Թուրքիան հիմա ուժեղ ճգնաժամի մեջ է»,- ասել է Հելգանդը Sputnik-ի հետ զրույցում։
ԱՄՆ-ն եւ ԵՄ-ն բազմիցս իրենց մտագոհությունն են հայտնել Թուրքիայում լրագրողների նկատմամաբ ճնշումների կապակցությամբ։ «Սակայն լրագրողները մինչեւ հիմա բանտում են, ոչ մի փոփոխություն չկա»,- հավելել է Հելգանդը։
ԱՄՆ նախագահի աշխատակազմը պեք է ավելի մեծ ճնշում գործադրի Անկարայի վրա, որպեսզի դադարեցնի լրագրողների նկատմամաբ ճնշումները, կարծում է New York Times-ի լրագրող, Պուլիտցերյան մրցանակի դափնեկիր Ջեյմս Ռայսենը։
