Հայաստանում բոլորի համար ամենակարեւոր հարցը հետեւյալն է. որ մենք ընտրություններից հետո իմանանք, ով է մասնակցել, եւ եղել են արդյոք կրկնաքվեարկության փաստեր։ Այս մասին մարտի 30-ին խորհրդարանում լրագրողներին ասել է ընդդիմաիդր պատգամավոր Նիկոլ Փաշինյանը։

Նրա խոսքով՝ տեսականորեն կա նախագիծ, որը կարող է հավաստի տեղեկություն տալ վերոնշյալի մասին։ «Սակայն, ցավոք, այս պահին վստահություն չկա, որ դա հնարավոր կլինի իրականացնել։ Լսումներից հետո Կառավարության աշխատակազմի ղեկավար Դավիթ Հարությունյանն ասաց, որ կա մի մտահղացում, որի մասին ինքը չի ուզում խոսել լրագրողների ներկայությամբ։ Այդ ժամանակ դա էլեկտրոնային համակարգ կիրառելու գաղափարն էր, որը կվերլուծի ընտրությունների մասնակիցների տվյալները ողջ հանրապետության տարածքում եւ ավտոմատ կերպով դուրս կգրի նրանց, ովքեր նորից են կքվեարկեն»,- նշել է Փաշինյանը՝ հավելելով, որ դեռեւս ոլորտում հայտնի ոչ մի կազմակերպություն իր վրա պատասխանատվություն չի վերցրել դա իրականացնելու  համար։

«Ըստ էության, դա կարելի է համարել քվեարկածների ցուցակների հրապարակման այլընտրանք։ Բայց դա չի նշանակում, որ ցուցակները չպետք է հասանելի լինեն դիտորդներին կամ վստահված անձանց»,- ընդգծեց Փաշինյանը։

Անդրադառնալով հարցին, թե այդ համակարգի կիրառման դեպքում խնդիրներ առաջանում են արդյոք մարդու իրավունքների տեսակետից, պատգամավորը պատասխանեց. «Ոչ, չի առաջանում, քանի որ բոլոր տվյալները կիրառվում են էլեկտրոնային միջոցով, վերցնում են մատնահետքեր եւ նույնականացման քարտերի տվյալները, վերլուծվում է, թե ողջ հանրապետությունում քանի ID քարտի համընկնում է գրանցվել»։