Հայաստանի խորհրդարանում այսօր՝ ապրիլի 4-ին արագացված կարգով քննարկում են քաղաքացիական պաշտպանության ստորաբաժանումների պարտականությունների ընդլայնման վերաբերյալ օրենքի նախագիծը:  Օրենքը նախապատրաստվել է եւ խորհրդարան է մտել մի քանի ամիս առաջ եւ այժմ քննարկվում է արագացված կարգով:

Ինչպես հայտնել է Պաշտպանության, ազգային անվտանգության եւ ներքին գործերի խորհրդարանական հանձնաժողովի նախագահ Կորյուն Նահապետյանը,  ՔՊ-ի պարտականությունների շրջանակի մեջ առաջարկվում է մտցնել սահմանամերձ շրջաններում հակառակորդի դիվերսիաների դեմ պայքարը, բնակչության,  ինչպես նաեւ ռազմական գործողությունների գոտում ջրամբարների, կամուրջների եւ այլ ռազմավարական օբյեկտների պաշտպանությունը: