Ապրիլի 2-ին, ժամը 9-ին, ոստիկանության Նոր Նորքի բաժնում 33-ամյա Կարեն Ա.-ն հաղորդում էր տվել, որ նույն օրը, ժամը 00.10-ին, Երեւանի Գայի պողոտայի թիվ 16 հասցեում գործող սուպերմարկետից օծանելիք գողանալու պահին անվտանգության ծառայության աշխատակիցը, նկատելով գողությունը, հրավիրել է աշխատասենյակ, որտեղ ինքը ներկայացրել է գողացված օծանելիքը:

Այնուհետեւ անվտանգության ծառայության աշխատակիցն իրեն հրավիրել է սուպերմարկետից դուրս, որտեղ անվտանգության ծառայության մի քանի այլ աշխատակիցներով հարվածներ են հասցրել իրեն` պատճառելով վնասվածքներ, որի ընթացքում գրպանից գողացել են բջջային հեռախոսը:

Վնասի չափը պարզվում է:

Նշանակվել է դատաբժշկական փորձաքննություն:

Ոստիկանության ծառայողների ձեռնարկած միջոցառումների շնորհիվ պարզել է, որ Կարեն Ա.-ին մարմնական վնասվածք պատճառել է սուպերմարկետի անվտանգության աշխատակից, 33-ամյա Անդրանիկ Ա.-ն, որն ապրիլի 7-ին, ժամը 20.00-ին, ներկայացել է բաժին եւ տվել խոստովանական բացատրություն:

Քննությունը շարունակվում է: