նախընտրելի դարձնել
ԱՄՆ Կոնգրեսական, Հունաստանի աջակցության խմբի համանախագահ Գուս Բիլիրակիսը միացել է ԱՄՆ նախագահին ուղղված Ադրբեջանին տրամադրվող ամերիկյան օգնությունը դադարեցնելու կոչին՝ հաշվի առնելով նախորդ շաբաթ Արցախի դեմ Ալիեւի ռեժիմի դաժան հարձակումը:
Կոնգրեսականն իր կոչում, մասնավորապես, նշում է.
«Լեռնային Ղարաբաղի հակամարտության գոտում ռազմական գործողությունների էսկալացիան եւ մարդկանց մահը եւս մեկ ցավալի հիշեցում է, որ ադրբեջանական բռնությունը չի կարող շարունակվել:
Որպես Հայաստանի աջակցության խմբի անդամ, ես կանգնած եմ բոլոր հայերի կողքին՝ նրանց հիմնարար ազատությունների եւ անվտանգության շահերի պաշտպանության դիրքերում:
Մենք պետք է աշխատենք բոլորի հետ՝ կայուն եւ ընդունելու լուծում գտնելու համար, իսկ շարունակվող հարձակումները նպատակ ունեն միայն ձախողել համաձայնության հասնելու հեռանկարները: Այդ ռազմական գործողությունները պետք է անհապաղ դադարեցվեն, եւ մեր օգնությունն Ադրբեջանին պետք է կանգնեցվի քանի դեռ հարձակումները չեն ավարտվել»:
