Ռուսաստանի Սամարայի մարզում աղմկոտ սպանություն է կատարվել. անհայտ անձինք հարձակվել էին սիզրանյան ոստիկանության նախկին ղեկավար, ոստիկանության գնդապետ Անդրեյ Գոշտի տան վրա` սպանելով նրան եւ ընտանիքի եւս հինգ անդամի: 

«Այս առավոտ Սամարայի մարզի Սիզրանյան շրջանի Իվաշովկա գյուղում հայտնաբերվել է երեք տղամարդու եւ երեք կնոջ մարմին` բռնի մահվան նշաններով», — տեղեկացնում է շրջանի քննչական կոմիտեն:

Գերատեսչության տվյալներով, 7-ամյա աղջիկը ողջ է մնացել: Նրան հիվանդանոց են հասցրել ծանր վիճակում, հայտնում է  «Ռոսբալտը»:

«Սկզբնական դատաբժշկական քրեաբանական փորձաքննություններ են նշանակվել», — ասված է հաղորդագրության մեջ: Մահացու վերքերի բնույթը չի նշվում: 

Որպես վարկածներից մեկը, քննարկվում է ավազակային հարձակումը: 

Գոշտից բացի, մահացել են նրա հայրը, մայրը, եղբայրը, եղբոր կինը եւ զարմուհին, գրում է «Փոքրիկ Սիզրանը»: Իրավապահ մարմիններում աղբյուրների խոսքով, վիրավոր աղջիկը` Սոֆյան գանգուղեղային վնասվածքով գտնվում է վերակենդանացման բաժնում: Ընտանիքի սպանված անդամների մարմինները հայտնաբերել է Անդրեյ Գոշտի եղբայրը:   

Տուժած աղջկա համար Սամարայից նյարդավիրաբուժության սանավիացիա է կանչվել: Աղջկան կտեղափոխեն մարզային մանկական հիվանդանոց, հայտնում է  LifeNews-ը: