Նախընտրելի
Մեծ Բրիտանիայում նոր ամենօրյա New Day օրաթերթը փակվում է երկու ամիս գոյատեւելուց հետո, հայտնում է «ՌԻԱ Նովոստին»` վկայակոչելով Ֆրանս Պրեսս գործակալությանը:
Թերթը թողարկվել էր փետրվարի 29-ին: Հաղորդվել էր, որ 30 տարվա ընթացքում առաջին անգամ Մեծ Բրիտանիայում բացառապես տպագիր օրաթերթ է հայտնվել: Թերթի խմբագրությունը հույս ուներ ապացուցել, որ տպագիր պարբերականը կարող է գոյատեւել համացանցի ժամանակաշրջանում:
Trinity Mirror ընկերությունը հայտնել է, որ «հիասթափված է», որը թերթը փակվում է եւ հայտնել է, որ տիրաժը «ակնկալվածից ավելի» նվազել է:
«Շատ մարդկանց դուր էր եկել այլ ձեւաչափի թերթի գաղափարը… Բայց իրականությունն այնպիսին է, որ այդ մարդկանց թիվը բավարար չէր», — խմբագիր Էլիսոն Ֆիլլիպսի խոսքերն է մեջբերում գործակալությունը: Նախատեսված էր թերթը թողարկել 200 հազար օրինակով` մեկ օրինակի համար 25 փենս գնով, բայց տիրաժն ընկել է մինչեւ օրական 40 հազար:
Թերթի վերջին համարը կհրապարակվի մայիսի 6-ին:
