Միջազգային քոնսալթինգային McKinsey ընկերությունը մոտ երեսուն տարի առաջ McKinsey Investment Office Partners (MIO Partners)-ի գաղտնի ներդրումային հիմնադրամ է ստեղծել, որի գործունեության վերաբերյալ մինչեւ վերջերս շատ քիչ բան էր հայտնի, գրում է  Gazeta-ն` վկայակոչելով Financial Times-ին:

FT-ն կարողացել է պարզել, որ MIO Partners-ը գտնվում է  McKinsey-ի 12 ներկայիս եւ նախկին գործընկերներից բաղկացած խորհրդի վերահսկողության տակ եւ տիրապետում է 5 մլրդ ակտիվների: Գաղտնի հիմնադրամի հաճախորդները, որտեղ ավելի քան   9 հազար խորհրդատու է աշխատում, էներգետիկական ներդրումային-բանկային ընկերության, ինչպես նաեւ մասնավոր ներդրումային ստորաբաժանումների թոփ մենեջերներն են: 

Թերթի տվյալների համաձայն, MIO Partners-ն իր գոյության ընթացքում հարյուր միլիոնավոր դոլարների եկամուտ է ապահովել իր հաճախորդների համար:    

«MIO-ն անկախ է կառավարվում եւ նրա ամբողջ գործունեությունն առանձնացված է  McKinsey-ի քոնսալթինգային գործողություններից», — հաղորդել են ընկերությունից: 

Նշվում է նաեւ, որ հիմնադրամը մրցակցում է մի շարք հեջ-հիմնադրամների հետ անձնակազմի եւ կառավարման տակ գտնվող ակտիվների տեսանկյունից:  2014-ին ստորաբաժանումը McKinsey-ի գործընկերների համար   14 տոկոս եկամտաբերություն է ապահովել, մինչդեռ հեջ-հիմնադրամների միջին եկամտաբերությունը կազմել է  3 տոկոս: