Նախընտրելի
Ֆրանսիական կառավարությունը հավանություն է տվել ջրհեղեղից տուժած 782 համայնքում տարերային աղետի ռեժիմ մտցնելու մասին հրամանին, հայտնում է «ՌԻԱ Նովոստին», վկայակոչելով BFMTV հեռուստաալիքին:
«Կառավարության հրապարակած դեկրետը տարերային աղետի ռեժիմ է ճանաչում 782 համայնքում, որոնք տեղակայված են 16 դեպարտամենտում: Մոտ ժամանակներս կարելի է այդ ցուցակի ընդլայնում ակնկալել. դեռեւս ոչ բոլոր հայտարարություններն են դիտարկվել», — հայտնել են հեռուստաալիքի եթերում:
Դիտարկման է սպասում ֆրանսիական համայնքներից եւս 215 հայտարարություն:
Տարերային աղետի ռեժիմի ներմուծումը ջրհեղեղից տուժածներին թույլ կտա արագ ստանալ ապահովագրական վճարները ջրից փչացած ունեցվածքի համար: Բոլոր վճարումներն իրականացնելու համար ապահովագրողները երեք ամիս կունենան:
Շարունակական անձրեւների հետեւանքով Ֆրանսիայի որոշ շրջաններում լայնածավալ ջրհեղեղներ են տեղի ունեցել: Սենի ջրի մակարդակը Փարիզի քաղաքային սահմանագծում բարձրացել է մինչեւ վերջին 34 տարվա ընթացքում ռեկորդային ցուցանիշ` վեց մետրից ավելի:
Ջրհեղեղի զոհ է դարձել հինգ մարդ, առավելապես տարեցներ: Եվս 20 մարդ տարբեր վնասվածքներ է ստացել:
