Նախընտրելի
Թուրքական ATV հեռուստաընկերության «Ամուսնություն՝ Էսրա Էրոլի հետ» հաղորդման իգդիրցի մասնակցին հեռացրել են դահլիճից, այն բանից հետո երբ երկու անգամ հայտարարել է, թե քուրդ ամուսին չի ցանկանում։
Հաղորդման ընթացքում իգդրցի 22-ամյա թրքուհին նախ հրաժարվել է ծանոթանալ Սիլոպցի փեսացուի թեկնածուի հետ՝ պնդելով, թե ինքը սիլոպցի ամուսին չի ուզում։ Այնուհետ 22-ամյա Դույգուն հայտարարել է, թե ինքը չի ուզում նաեւ քուրդ ամուսին։ Այդ խոսքի վրա հաղորդավարուհի Էրոլը բացականչել է. «Աստված իմ, Աստված իմ»։ Սակայն, Դույգուն պնդել է իրենը՝ կրկնելով. «Քուրդ ամուսին չեմ ուզում»։
Իգդիրցի աղջկա համառությունը կատաղեցրել է հաղորդավարուհուն, ով հրամայել է մասնակցին՝ լքել դահլիճը։ «Տեսեք, դեռ քուրդ է ասում...։ Դույգու, գնա այստեղից, ի սեր Աստծո։ Բոլորս էլ մարդ ենք, ի՞նչ կարեւոր է, թե որտեղից ենք։ 22 տարեկան աղջիկ ես, քեզ ի՞նչ են արել նրանք, կամ դու որտե՞ղ ես ապրում»-բացականչել է հաղորդավարուհին:
