նախընտրելի դարձնել
Ոստիկանը պետք է ցանկացած որոշման հետ համաձայն լինի: Այս մասին այսօր՝ օգոստոսի 9-ին, NEWS.am-ի հետ զրույցում ասաց ոստիկանության Երեւանի քաղաքային վարչության նախկին պետ Աշոտ Կարապետյանը՝ մեկնաբանելով իրեն պաշտոնից ազատելու որոշումը:
«Համաձայն եմ, իհարկե, որոշման հետ, ոստիկանը պետք է համաձայն լինի ցանկացած որոշման հետ»,- NEWS.am-ի հետ զրույցում ասաց Աշոտ Կարապետյանը:
Աշոտ Կարապետյանը չցանկացավ հստակեցնել, թե ինչով է զբաղվելու պաշտոնից ազատվելուց հետո՝ հորդորելով հետեւել լրատվությանը:
«Ես կադրերի տրամադրության տակ եմ, ես ոստիկանության աշխատակից եմ»,- ասաց նա:
Հիեցնենք, որ Աշոտ Կարապետյանը պաշտոնից ազատվել է օգոստոսի 8-ին՝ Վլադիմիր Գասպարյանի հրամանով:
Ոստիկանությունում ընթացող ծառայողական քննությունների արդյունքներով, ոստիկանության պետի հրամաններով՝ ոստիկանության մի շարք ծառայողներ, այդ թվում՝ ոստիկանության Երևան քաղաքի վարչության պետ Աշոտ Կարապետյանը, ենթարկվել էին կարգապահական տույժերի: Կարապետյանին խիստ նկատողություն էին տվել:
