Թուրքիայի քննչական մարմինները արտոնել են ազգային հավաքականի նախկին ֆուտբոլիստ Հաքան Շուքյուրի կալանքը, որին կասկածում են ընդդիմադիր եւ իսլամական քարոզիչ Ֆեթհուլլա Գյուլենի շարժմանը մասնակցության մեջ, հայտնում է France-Presse գործակալությունը:

Շուքյուրին մեղադրում են զինված ահաբեկչական խմբին անդամակցության համար: Մեղադրանքներ են ներկայացվել նաեւ ֆոտւբոլիստի հորը` Սերմետ Շուքյուրին: 

Ֆուտբոլիստը, որը երբեք չի թաքցրել իր հավատարմությունը Գյուլենի հայացքներին, ԱՄՆ է տեղափոխվել   2015 թվականին այն բանից հետո, երբ նրա դեմ քրեական գործ է հարուցվել երկրի նախագահ Ռեջեփ Էրդողանին վիրավորելու համար, հայտնում է ՏԱՍՍ-ը: 

Շուքյուրը մասնագիտական կարիերան ավարտել է 2008 թվականին: Նա Թուրքիայի առաջնության պատմության (249 գոլ) եւ ազգային հավաքականի  (51) լավագույն ռմբարկուն է: Թուրքիայի հավաքականի կազմում նա  2002 թվականի աշխարհի առաջնության բրոնզե մեդալակիր է դարձել: