Ադրբեջանի գլխավոր դատախազությունը քրեական գործ է հարուցել իսլամական քարոզիչ Ֆեթուլլահ Գյուլենի կողմնակիցների դեմ, որին Թուրքիայում  մեղադրում են պետական հեղաշրջման փորձը կազմակերպելու մեջ: Այս մասին ՌԻԱ Նովոստիին հայտնել է գերատեսչության մամուլի ծառայության ղեկավար Էլդար Սուլթանովը:

«Ադրբեջանի տարածքում Ֆեթուլլահ Գյուլենի ահաբեկչական կազմակերպության կողմնակիցների անօրինական գործողությունները կանխելու նպատակով Գլխավոր դատախազությունում քրեական գործ է հարուցվել՝ Ադրբեջանի Քրեական օրենսգրքի համապատասխան հոդվածներով», հայտարարել է Սուլթանովը:

Նրա խոսքով՝ ներկայում քրեական գործի շրջանակում քննչական-օպերատիվ գործողություններ են իրականացվում: