Նախընտրելի
Եթե Արմեն Մարտիրոսյանի, Դավիթ Սանասարյանի եւ Հովսեփ Խուրշուդյանի խափանման միջոցը փոխվի, կմասնակցե՞ն տեղական ինքնակառավարման ընտրություններին: NEWS.am-ի հետ զրույցում ՀՀԿ-ական պատգամավոր Հովհաննես Սահակյանն այսպես արձագանքեց «Ժառանգության» ՏԻՄ ընտրություններից հրաժարվելու վերաբերյալ հայտարարությանը:
«ՏԻՄ ընտրությունները պետք է մնան ՏԻՄ ընտրություններ եւ դրանից է կախված հետագա ընտրական գործընթացները: Այսինքն՝ այստեղ պետք է ունենալ հաջողություններ եւ մասնակցել համապետական ընտրություններին Խնդիրն ավելի խորքային է իրենց համար, որովհետեւ պետք է ունենան թեկնածուներ: Եթե Արմեն Մարտիրոսյանի, Դավիթ Սանասարյանի եւ Հովսեփ Խուրշուդյանի խափանման միջոցը փոխվի, կմասնակցե՞ն»,-ասել է պատգամավորը»:
Վերջինս նշել է, որ ՏԻՄ ընտրություններին «Ժառանգությունը» չի ունեցել մասսայական մասնակցություն:
«ՏԻՄ ընտրություններին «Ժառանգության» մասնակցությունը եթե վերլուծենք՝ քանի տեղ է առաջադրվել, դժվար մտաբերենք, որ մասսայական մասնակցություն են ունեցել: Այս պարագայում հիմա բերել իրենց կուսակիցների հետ իրավական գործընթացները կապել ու քաղաքականցնել, ընդամենը հուսահատ քաղաքական ուժի քայլ է»,-ասել է Հովհաննես Սահակյանը:
