նախընտրելի դարձնել
Անհայտ անձինք պղծել են 2001 թվականի սեպտեմբերի 11-ի զոհերի հուշահամալիրը Լոս Անջելեսի Occidental College-ի ուսանողական թաղամասում, հայտնում է Los Angeles Daily News թերթը:
Ուսանողական Republican Club կազմակերպության անդամները շաբաթ երեկոյան 2997 փոքրիկ ամերիկյան դրոշ էին տեղադրել ողբերգության զոհերից յուրաքանչյուրի հիշատակին: Կիրակի նրանք տեսել են, որ «բոլոր դրոշները ճմրթված են, պատռված, աղբի վերածված»:
«Ոչինչ չի մնացել», — Facebook-ում այդ ուսանողական կազմակերպության հաղորդագրությունն է մեջբերում թերթը: Հաղորդվում է նաեւ, որ ուսանողական ավանի տարածքում թռուցիկներ են հայտնաբերվել, որոնք «վիրավորում են սեպտեմբերի 11-ի զոհերին»:
Occidental College-ի ներկայացուցիչները հայտնել են, որ ներկայումս միջադեպի հետաքննություն է ընթանում:
