նախընտրելի դարձնել
Եգիպտոսի պետական հեռուստատեսության լրատվական ծառայության ղեկավարը աշխատանքից ազատվել է, երբ հեռուստաալիքը սխալմամբ եթեր է հեռարձակել երկրի նախագահ Աբդել Ֆաթթահ աս-Սիսիի հետ հին հարցազրույց, հայտնում է Associated Press-ը:
Եթեր պետք է հեռարձակվեր մի հարցազրույց, որը աս-Սիսին ԶԼՄ-ներին տվել էր այս շաբաթ, սակայն հեռուստադիտողները տեսել են ամերիկյան PBS ցանցին նրա անցյալ տարվա հարցազրույցը:
Տասը րոպե անց հեռարձակումն ընդհատվել է:
Հեռուստաալիքի ղեկավարը ներողություն է խնդրել սխալի համար: Աս-Սիսին ներկայումս Նյու Յորքում է եւ մասնակցում է ՄԱԿ-ի Գլխավոր Վեհաժողովի նիստերին:
