նախընտրելի դարձնել
Հայաստանի Կենտրոնական ընտրական հանձնաժողովը սեպտեմբերի 18-ին տեղական ինքնակառավարման մարմինների ընտրությունների արդյունքների վերաբերյալ 142 դիմում-բողոք է ստացել: Այդ մասին սեպտեմբերի 23-ի մամուլի ասուլիսին հայտնել է Հայաստանի Կենտրոնական ընտրական հանձնաժողովի նախագահ Տիգրան Մուկուչյանը:
Նրա խոսքով, դիմում-բողոքները հիմնականում ներկայացվել են միանման ստանդարտ ձեւաչափով, պահանջները եւս միանման են եղել:
Տիգրան Մուկուչյանը հիշեցրել է, որ սեպտեմբերի 18-ին տեղական ինքնակառավարման մարմինների ընտրություններ են տեղի ունեցել Հայաստանի 5 մարզի 317 համայնքում: «237 համայնքում տեղի են ունեցել համայնքի ղեկավարի ընտրություններ: Ավագանու ընտրություններ տեղի են ունեցել 295 համայնքում: 215 համայնքում տեղի են ունեցել համայնքի ղեկավարի եւ ավագանու անդամների ընտրություններ», - հայտնել է Տիգրան Մուկուչյանը` հավելելով, որ քվեարկությանը 408 թեկնածու է մասնակցել:
