նախընտրելի դարձնել
Քալիֆորնիայի Գլենդել քաղաքի հայ բնակիչը մեղադրվում է 1 մլն դոլարից ավելի փոստային խարդախությունների եւ փողերի լվացման մեջ։ 37-ամյա Արտաշես Դարբինյանը նախօրեին կանգնել է դատարանի առջեւ եւ իրեն մեղավոր է ճանաչել առաջադրված մեղադրանքներում։
Los Angeles Times-ի փոխանցմամբ, Գլենդելի մեկ այլ բնակիչ՝ 42-ամյա Օրբել Հակոբյանը մեղավոր է ճանաչվել Դարբինյանին օժանդակելու մեջ։ Դարբինյանը գումարներ է ստացել՝ օգտվելով Trademark Compliance Center եւ Trademark Compliance Office անվանումներով ընկերություններից։ Նա իր զոհերին առաջարկել է հետաքննել ապրանքային նշանների ապօրինի օգտագործման փաստերը 385 դոլարի դիմաց։ Որեւէ ծառայություն, սակայն, Դարբինյանը չի մատուցել։
Արդարադատության նախարարության տվյալներով, Դարբինյանը մայրաքաղաք Վաշինգտոնում կեղծ վիրտուալ գրասենյակներ է բացել, որոնց միջոցով էլ փոխանցել են գումարները։ ա նաեւ օգտահգործել է գողացված անձական տվյալներ՝ Wells Fargoբանկի միջոցով փողերի լվացման համար։ Արտաշես Դարբինյանն ու Օրբել Հակոբյանը դատարանի առջեւ են կանգնելու հունիսի 19-ին, երբ հրապարակվելու է վճիռը։
Ձերբակալված է նաեւ Բըրբենքում Wells Fargo բանկի մասնաճյուղի նախկին ղեկավար Ալբերտ Յաղուբյանը, որը սպասում է դատաքննությանը։
