նախընտրելի դարձնել
ԱԺ պատգամավոր, նախկին ԲՀԿ-ական Արագած Ախոյանը թեեւ շատ է ցանկանում հաջորդ խորհրդարանում լինել, սակայն դեռեւս հստակ չէ` որ կուսակցության միջոցով կարող է լինել:
«Որ առաաջադրվելու եմ ռեյտինգային ցուցակով, դա հաստատ է, սակայն դեռ հստակ չէ որ կուսակցության ցուցակով: Պարզապես դեռ վերջնականապես ոչինչ ճշտված չէ»,-NEWS.am-ի հետ զրույցում նշեց Ախոյանը:
Պատգամավորի խոսքով, իր համար կուսակցությունը խորհրդարան հայտնվելու տրանսպորտի միջոց չէ, պարզապես կան գործառույթներ, որոնք ճշտման կարիք ունեն եւ ըստ այդմ կորոշվի:
«Իմ զբաղվածությունը, գործառույթները, որ իրականացնում եմ, պետք է հասկանամ` որ կուսակցությանն է պետք, կուսակցություն կա կարող է իր քաղաքականության մեջ չկա արտաքին հարաբերությունները»,-ասաց նա:
Ինչ վերաբերում է ԱԺ ՀՀԿ խմբակցություն իր ակտիվ ելումուտին, Ախոյանն ասաց, որ դա պայմանավորված է իր արտաքին քաղաքական գործունեությամբ. գործուղումից հետո վերադառնում քննարկում է արդյունքների մասին:
Ախոյանը շեշտեց, որ Ծառուկյանի քաղաքականություն վերադառնալու հայտարարությունն էլ չի կարող ազդել իր որոշման վրա, որ կրկին վերադառնա ԲՀԿ:
