նախընտրելի դարձնել«Օհանյան-Րաֆֆի-Օսկանյան» դաշինքից ընտրական տարածքներում առաջադրվել են նաեւ ազատամարտիկներ: Ապարան ջոկատի հրամանատար, Ապարանի նախկին քաղաքապետ Ռազմիկ Պետորսյանը առաջադրվել է Արագածոտնի ընտրական տարածքում: Ազատամարտիկների դաշինքի վարչության մեկ այլ անդամ, պաշտպանության նախկին փոխնախարար Գագիկ Մելքոնյանը առաջադրվել է Գեղարքունիքի մարզում: Այս տեղեկությունը NEWS.am-ի հետ զրույցում հաստատեց Ռազմիկ Պետրոսյանը:
Նույն դաշինքի մեկ այլ անդամ` Սմբատ Հակոբյանը, առաջադրվել է Կենտրոն-Նորք Մարաշ-Էրեբունի ընտրական տարածքում:
Հիշեցնենք, որ այս ընտրություններում «Ազատամարտիկների դաշինքը» սատարելու է «Օհանյան-Րաֆֆի-Օսկանյան» դաշինքին: Այս դաշինքը ձեւավորվել է 2014 թվականին եւ սատարում էր եռյակի (ՀԱԿ, ԲՀԿ, «Ժառանգություն») իշխանափոխության ծրագրերին։
Իսկ 2008 թվականին Գագիկ Մելքոնյանն ու Ռազմիկ Պետորսյանը սատարում էին Լեւոն Տեր-Պետրոսյանի նախաձեռնած իշխանափոխությանը: Հենց այդ իրադարձություններից հետո, 2008-ին Գագիկ Մելքոնյանն ազատվեց պաշտպանության փոխնախարարի պաշտոնից։
