նախընտրելի դարձնելԱՄՆ կոնգրեսի սենատի կոմիտեի՝ զինված ուժերի գծով նախագահ Ջոն Մակքեյնը հայտարարել է Ռուսաստանի եւ Wikileaks կազմակերպության միջեւ «ակնհայտ կապի» մասին, հաղորդում է Washington Examiner-ը:
«Ես չեմ կարող դա պնդել, բայց ակնհայտ է, որ Wikileaks-ը կապված է եղել Ռուսաստանի հետ», - ասել է սենատորը՝ պատասխանելով այն հարցին, թե արդյոք Մոսկվան կապ ունի կազմակերպության կողմից ԿՀՎ-ի գաղտնի փաստաթղթերը հրապարակելու հետ:
Ի պաշտպանություն իր դիրքորոշման՝ հանրապետականը բերել է այն փաստը, որ ամերիկյան հատուկ ծառայությունների նախկին աշխատակից եւ Wikileaks-ի ինֆորմատոր Էդվարդ Սնոուդենն այժմ բնակվումէ Ռուսաստանում:
Մեկնաբանելով լրագրողների ենթադրությունները Wikileaks -ի հրապարակումների վերաբերյալ Ռուսաստանի հետ կապված՝ Մակքեյնը հայտարարել է. «Ո՛չ, իհարկե, ո՛չ:Դա արել է իր տան նկուղում ներքանզգեստով նստած ինչ-որ մեկը՝ ծխախոտ ծխելով»:
Նախօրեին Wikileaks-ը հրապարակել է ավելի քան 7,8 հազար փաստաթուղթ՝ Կիբերհետախուզության ցանցի ներքին կենտրոնից, որը գտնվում է Լենգլիում՝ ԿՀՎ շտաբ գրասենյակում:
