նախընտրելի դարձնելԹուրքիայում սուր պայքար ընթացավ, եւ անհրաժեշտ է գրանցել, որ այն ավարտվեց նախագահ Ռեջեփ Թայիփ Էրդողանի հաղթանակով: Ապրիլի 17-ին՝ լրագրողների հետ հանդիպման ժամանակ այս մասին ասաց Հայաստանի ԳԱԱ Արեւելագիտության ինստիտուտի տնօրեն, թուրքագետ Ռուբեն Սաֆրաստյանը՝ անդրադառնալով Թուրքիայում անցկացված սահմանադրական բարեփոխումների հանրաքվեին:
Թուրքագետի խոսքով՝ Թուրքիայում այս տարին բավական լարված կլինի: «Անկասկած, հանրաքվեի արդյունքները կանխատեսելի էին՝ Էրդողանի հաղթանակը սպասելի էր»,- նշեց Սաֆրաստյանը՝ հավելելով, որ Թուրքիայում ծայրահեղական միտումները կսաստկանան:
Նշենք, որ Թուրքիայում հեռավոր շրջաններում գերազանցության հաշվին ապրիլի 16-ին կայացած երկրի նախագահական կառավարման ձեւի անցման վերաբերյալ սահմանադրական բարեփոխումների հանրաքվեում հաջողվել է հաղթել աննշան 2 տոկոսի առավելությամբ: Միջազգային փորձագետների կարծիքով՝ սա երկրում Ռեջեփ Թայիփ Էրդողանի անսանձելի բռնատիրության հաստատմանն ուղղված հերթական քայլն է: Հանրաքվեն ընթացել է Էրդողանի քաղաքական հակառակորդների շարունակվող զանգվածային կալանավորումներով: Այսուհանդերձ, սահմանադրական բարեփոխումների հակառակորդները նույնիսկ պաշտոնական տվյալներով հաղթել են երկրի 3 խոշոր քաղքներում՝ Անկարայում, Ստամբուլում եւ Իզմիրում:
