նախընտրելի դարձնել«Ելք» դաշինքի նախընտրական ծրագրում ամրագրված էր, որ համատեղ գործունեության ընթացքում կսկսվեն երեք՝ «Հանրապետություն», «Լուսավոր Հայաստան» եւ «Քաղաքացիական պայմանագիր» քաղաքական ուժերի միասնական կուսակցություն դառնալու բանակցությունները: «Հանրապետություն» կուսակցության առաջնորդ Արամ Սարգսյանը դեռեւս երկու ամիս առաջ NEWS.am-ի հետ զրույցում հայտարարել էր, որ պետք է չշտապել, մանրակրկտորեն քննարկել հարցը:
«Լուսավոր Հայաստան» կուսակցության ներկայացուցիչ, պատգամավոր Մանե Թանդիլյանից հետաքրքրվեցինք, թե հարցն ինչ ընթացք է ստացել եւ որքանով է իրատեսական, որ այս գումարման Ազգային ժողովում մեկ կուսակցություն դառնալու դրույթը կյանքի կոչվի:
«Իրականում մենք շեշտել ենք, որ համատեղ աշխատանքի արդյունքում կսկսվեն բանակցությունները: Երկու խմբակցություններ ձեւավորվել են, եւ համատեղ աշխատանքը ճանապարհին է, մենք ունենք միասնական նախաձեռնություններ, որոնց շուրջ աշխատանքը հուշում է, որ երեք կուսակցությունը ներդաշնակ է աշխատում, եւ այդ դրույթը, որ ֆիքսել ենք, ուժի մեջ է, այն գործելու է: Այդ բանակցությունները կսկսենք պատեհ պահի»:
Հարցին՝ մինչեւ հաջորդ խորհրդարանական ընտրություններ իրատեսակա՞ն է համարում, որ «Ելք» դաշինքի երեք քաղաքական ուժերը կդառնան մեկ կուսակցություն, Թանդիպյանը պատասխանեց. «Ես պետք է ասեմ, որ այն աշխատանքային մթնոլորտը, որ այսօր կա դաշինքում, շատ առողջ է, շատ որակյալ է: Այս մթնոլորտը ամենակարեւորն է, որ պետք է պահպանենք, իսկ բանակցություններ, բնականաբար, տեղի են ունենում»:
Պատգամավորը չհերքեց, որ բազմաթիվ հարցեր կան, որոնց շուրջ երեք ուժերը տարբեր տեսակետներ են ունենում: Վստահեցրեց, թե հաջողվում է այն դարձնել մեկ միասնական կարծիք: «Եւ սա նշանակում է, որ ճանապարհը հարթում ենք այդ ուղղությամբ»,-ասաց պատգամավորը:
