ԱՄՆ առաջին տիկին Մելանյա Թրամփը Սպիտակ տանը ամանորյա շրջանի բացումն է կատարել: Այս տարի Ամանորի գալուստը Սպիտակ տանը նշանավորվել է Չայկովսկու «Շչելկունչիկ» բալետի պարուհիների պարով, հաղորդում է AP-ն:

«Զարդարանքները կախված են: Սպիտակ տունը պատրաստ է տոներին: Ձեզ երջանիկ ամանոր եւ ուրախ տոներ եմ ցանակնում», - Twitter-ում գրել է առաջին տիկինը:

 

Սպիտակ տան յուրաքանչյուր պատուհան պսակներով եւ կարմիր ժապավեններով է զարդարված:

Առաջին տիկինը լրագրողներին տոնական զարդարաքնների հետ է ծանոթացրել, որից հետո Մերիլենդ նահանգի ռազմական հենակետի աշակերտների հետ է հանդիպել:

«Դուք առաջին տիկի՞նն եք» -կասկածամտորեն հարցրել է տղաներից մեկը, որն այնուհետ վազել է տիկնոջը գրկելու: Նրա օրինակին հետեւել են նաեւ մյուսները:

Սպիտակ տան Երկնագույն սրահում 6 մետր բարձրությմաբ եղեւնի է կանգնած՝ զարդարված  յուրաքանչյուր ամերիկյան նահանգի նշանով:

29 նահանգների ավելի քան 150 կամավոր հանգստյան օրերին 1600 ժամ են ծախսել Սպիտակ տունը զարդարելու համար:

Ըստ Սպիտակ տան՝ զարդարանքի համար 71 պսակ, 53 եղեւնի, ավելի քան 180 հազար միավոր տոնական լույսեր, մոտ 300 մետր շղթա, ավելի քան 12 հազար խաղալիք եւ մոտ 2800 մ ժապավեն է պահանջվել: